Deputeti i Partisë demokratike të socialistëve Luigj Shkrela ka deklaruar se për nëntë vite nga ripërtëritja e pavarësisë Mali i Zi ka arritur shumë, por shtoi se gjithmonë mundet më mirë.
“Mendoj se kulmi i gjithë kësaj duhet të jetë në fund të dhjetorit, kur shpresojmë se do ta marrim ftesën për anëtarësi në NATO, në mënyrë që pastaj akoma më fuqishëm të vazhdojmë drejtë anëtarësisë në BE”, tha ai për “Antena M”.
Shkrela vlerësoi se “sundimi i ligjit, atmosfera investuese, situata ekonomike, janë përmirësuar nga 2006 e deri më sot”.
