Funksionari i lartë i Iniciativës qytetare Vasel Sinishtaj ka thënë se nuk ka nevojë që dikush të jetë bajraktar i çështjes së statusit të komunës së plotë të Malësisë. “Mendoj që PDS-ja duhet të ketë qasje më serioze, nuk ka nevojë të bëj anekse të marrëveshjes me Forcën, e cila nuk ka numër të lartë të votuesve”, tha ai për “Pobjeda”.
Sinishtaj vlerësoi se duhet implementuar marrëveshjen e mëhershme për këtë çështje dhe të realizohen procedurat në Kuvendin e Malit të Zi të cilat janë iniciuar para tre vitesh.
Sipas fjalëve të tija, është indikative që çështja e komunës së Malësisë iniciohet çdo herë para përcaktimit të terminit të zgjedhjeve parlamentare.
Të njëjtin qëndrim ka edhe lideri i Lidhjes demokratike në Mal të Zi Mehmet Bardhi i cili shton se çdo gjë është çështje e vullnetit politik të shumicës qeverisëse.
