OJQ “SOS telefoni” ka njoftuar që të hënën dhe të martën do të mbahet seminari “Planifikimi strategjik i planit lokal për arritjen e barazisë gjinore”.
Ky seminar, siç pohon drejtoresha ekzekutive e kësaj organizate Hatixhe Nelaj, është pjesë e programit “Vendosja e barazisë gjinore dhe parimeve të mundësive të barabarta”. Synimi përfundimtar është miratimi i planit lokal të aksionit për arritjen e barazisë gjinore në mënyrë që do të vendosen metodat e reja të partneritetit në mes sektorit civil, komunitetit lokal dhe administratës komunale.
Partner në këtë projekt janë komuna e Ulqinit, Qendra për arsimim qytetar dhe Iniciativa qytetare.
