Japrak është një gatim tradicional ulqinak, një lloj sarme me hardhi. Kur përbërësit janë të freskët dhe kur japraku përgatitet siç na e demonstroi bashkëpunëtorja jonë, bashkautorja e librit të gatimit “Kuzhina Tradicionale e Ulqinit” Hadixha Gjoni, është jashtëzakonisht i shijshëm.
Përbërja:
2 kg qepë
150 gjethe hardhie – Amerikane
200 g oriz
500 g mish
1 tufë kopër
Kripë
Vaj ulliri
Një gotë ujë
Përgatitja:
Prisni imët mishin. Gjithashtu, grijeni imët qepën, skuqeni pak dhe shtoni kripë. Përziejini për një ose dy minuta dhe shtoni mishin e grirë. Lërini të ziejnë ngadalë derisa përzierja të bëhet e lëmuar, pastaj shtoni orizin. Mbi gjethet e hardhisë që i kemi mbajtur më parë në ujë të kripur dhe më pas i kemi larë, vendosim një lugë gjelle nga përzierja, e palosim në një japrak dhe e vendosim në tenxhere, duke i rregulluar me kujdes.
Kur e kemi përdorur masën dhe gjethet, e derdhim japrakun me vaj ullini dhe një gotë ujë, e mbulojmë me mish të tharë dhe disa gjethe hardhie. E ziejmë për disa orë në zjarr të ngadaltë.
Ky tekst u krijua në kuadër të projektit “Shijet e Ulqinit për mirëkuptim më të mirë”, për të cilin u siguruan fonde përmes Programit “Së bashku për të mirën e përbashkët” – “Forcimi i besimit të qytetarëve në institucione dhe ndërtimi i komuniteteve rezistente”, i cili zbatohet nga UNDP, UNICEF dhe UNESCO, në bashkëpunim me Qeverinë e Malit të Zi. Mbështetja për OJQ-të dhe grupet joformale për zbatimin e iniciativave ofrohet nga “Juventas”. Programi financohet nga Fondi i Ndërtimit të Paqes i OKB-së.
