Javën e ardhshme në plazhin “D’Olcinium” nis edicioni i katërt i Southern Soul festivalit (SSF), i cili do të zgjas deri më 3 korrik.
Organizatorët kanë paralajmëruar se presin mbi 10.000 njerëz të cilët në ambientin unik do të kënaqen në muzikë, vallëzim dhe lojë.
Po ashtu kanë paralajmëruar se SSF këtë vit do të ketë tri skena, do të ketë mbi 40 performues dhe rreth 35 dj.
“Do të kemi shtatë grupe të shkëlqyera muzikore, emri më i njohur nga të gjithë do të jetë Marcos Valle, personi i cili pas vetes ka mbi 30 albume dhe është një nga legjendat më të mëdha të muzikës braziliane”, thanë organizatorët.
