Mbi 30 punëtore të fabrikës së qilimave “Ultep” në Katërkollë tash dhjetë ditë, nga disa orë, po tubohen para portës së ish kolektivit të tyre.
“Ne kërkojmë të na thuhet se çfarë statusi do të ketë fabrika dhe çfarë fatit do të kemi ne”, tha kryetarja e organizatës sindikale të “Ultep-it” Sebije Gjeka.
Ajo tha se punëtoret iu drejtuan me këto kërkesa ministrive kompetente në Qeverinë e Malit të Zi, por nuk kanë marrë asnjë përgjigje.
Punëtoret e “Ultep-it” të cilat protestojnë i vizituan këto ditë vetëm deputetja e Malit të Zi Pozitiv Azra Jasaviq dhe kryetari i komunës së Ulqinit Fatmir Gjeka.
