Me vendim të Inspekcionit të punës tash tre ditë është mbyllur i vetmi info-punkt i Organizatës turistike të Ulqinit i cili punon gjatë gjithë vitit, e i cili ndodhet tek Stacioni i autobusëve.
Arsyeja për vendim të tillë të inspekcionit është mungesa e kontratave të punës tek të punësuarit në atë objekt, Beqir Zati dhe Merita Rexha. Ato kanë refuzuar të nënshkruajnë kontratat e punës me OT, sepse sipas vendimit të Gjykatës themelore, nga fillimi i marsit të këtij viti, është dashur të kthehen në vendet e mëparshme të punës. Kjo vlen edhe për dy punëtor tjerë të cilët ishin të punësuar në OT, Aleksandër Jacoviq dhe Muharem Beqoviq.
Në OT na thanë jo zyrtarisht që nuk e kuptojnë vendimin e inspekcionit që punkti të mbyllet. “Atje me vendimin e drejtorit mund të punojnë secili nga punëtorët të cilët janë tani të punësuar në këtë institucion”, është thënë Portalit UL-info me shpresë që kjo dilemë do të zgjidhet në fillim të javës së ardhshme dhe që punkti do të hapet prapë.
