Në Muzeun e Kripores nesër, në kujtim të shkencëtarit dhe ekologut të madh gjerman, dashamirësit të bukurive natyrore të regjionit dhe Ulqinit, dr. Martin Schneider-Jacoby, do të mbahet mbledhja themeluese e shoqatës e cila mban emrin e tij.
Në këtë tubim do të zgjidhen organet e Shoqatës: kryetari dhe anëtarët e Këshillit drejtues.
Sipas asaj çfarë mëson Portali Ul-info, në themelimin e Shoqatës, përveç të tjerëve, do të jenë të pranishëm ambasadorja e Gjermanisë Gudrun Shtajnaker, drejtori i fondacionit ekologji gjerman “Euronatur” Gabrijel Shvaderer, shkencëtari dhe themeltari i projektit “Mali i Zi-shtet ekologjik” dr. Dragan Hajdukoviq, akademiku Sherbo Rastoder, deputeti dhe lideri i PSD-së Ranko Krivokapiq, deputeti Dritan Abazoviq, drejtuesi i CZIP-it Darko Saveliq…
“Kjo është përkrahje e fuqishme e komunitetit ndërkombëtar ndaj përpjekjeve tona të ruajmë dhe rinovojmë Kriporen dhe biodiversitetin e mrekullueshëm në këtë hapësirë”, tha njëri nga themeluesit e Shoqatës Zenepa Lika.
