Të enjten, me 10 tetor, “Mali i Zi Pozitiv“ (MZP) do të formoi Këshillin komunal në Ulqin. Me këtë rast do të zgjidhen 10 anëtarë të këtij organi, të cilët më vonë do të zgjedhin kryetarin e Këshillit të Ulqinit të kësaj partie parlamentare më të re në vend.
Në këtë ngjarje e cila do të mbahet në hotelin “Mediteran” do të marrë pjesë udhëheqësia e MZP në krye me kryetarin Darko Pajoviq.
Në zgjedhjet parlamentare të tetorit të vitit të kaluar MZP ka fituar besimin e 615 votuesve në Ulqin.
