Në Qendrën kulturore në Ulqin të mërkurën, më 2 tetor, me fillim në ora 18, do të mbahet promovimi i librit të ri të primarius dr Gani Karamanaga “Dielli, deti, shëndeti”.
Bëhet fjalë për punimet e zgjedhura shkencore dhe profesionale të këtij mjeku dhe publicisti të njohur.
Libri është me kopertinë luksoze dhe ka dy botime, në gjuhën shqipe dhe atë malazeze.
Ky është libri i tretë me radhë i dr Karamanagës, i cili është dhe kryetar i Shoqatës së krijuesve shqiptarë në Mal të Zi.