Në Komunë të Ulqinit të premten do të nënshkruhet kontrata për blerjen e materialeve dhe matësve të ujit për NP “Ujësjellës dhe kanalizimi”.
Në këtë mënyrë praktikisht do të fillojë realizimi i projektit të rikonstruktimit të rrjetit të ujësjellësit dhe kanalizimit në Ulqin, i cili po realizohet nga kredia e bankës gjermane KfW me vlerë prej rreth 20 milion euro.
Gjatë nënshkrimit të kontratës e pranishme do të jetë edhe sekretarja shtetërore në Ministrinë e zhvillimit të qëndrueshëm dhe turizmit Daliborka Pejoviq.
