Ideja e cila u krijua në fillim të janarit të këtij viti gjatë mbajtjes së garës rrugore të atletikës në Ulqin kur u takuan drejtuesit e shoqatave të gazetarëve sportiv të Malit të Zi dhe Shqipërisë të luajnë një ndeshje miqësore në Ulqin, do të realizohet të premten nga ora 18 në terrenin e Qendrës së futbollit “Causheviq” në Plazhin e madh.
“Vërtet gëzohemi që plani dhe dëshira do të na realizohet dhe që nikoqir do të jenë QF Causheviq, hoteli Dajti dhe qyteti i Ulqinit dhe në këtë mënyrë modeste të vërtetojmë atë që përpiqemi dhe që është traditë e kësaj trevë, e kjo është ndjenja e veçantë për mikun, komshiun, bashkëpunëtorin dhe kolegun pavarësisht nga është dhe cilës fe apo komb i takon”, tha njëri nga organizatorët e këtij takimi Misho Causheviq dhe shtoi që do të bëj çdo që të gjithë të ndjehen si në shtëpi të vet, si dhe që ky lloj shoqërimi të bëhet traditë.
