Të shtunën, më 2 korrik, në Galerinë e Qendrës së kulturës, me fillim në ora 19, do të mbahet ekspozita e piktorit nga Ulqini Mehmet Aloja.
Mehmet Aloja lindi më 1943 në Ulqin. Shkollën Normale dhe Akademinë pedagogjike – dega e pikturës, e ka mbaruar në Nikshiq, në vitin 1969, kurse Fakultetin Juridik e kreu në Prishtinë në vitin 1984. Punoi si mësimdhënës në Shkollën e Mesme në Ulqin.
Aloja është anëtar i Shoqatës Mbarëshqiptare të Artistëve Figurativë me seli në Tiranë që nga viti 1992 dhe i Shoqatës së Artistëve Figurativë të Ulqinit.
Deri tani ka organizuar një sërë ekspozitash individuale, si dhe ka ekspozuar në shumë ekspozita kolektive.
