Gjatë këtij vikendi, më 7 shkurt 2026, ekipi i Taekwondo Klub Ulqini u paraqit në dy aktivitete shumë të rëndësishme ndërkombëtare: Ligën Botërore në Austri dhe Kampionatin Ndërkombëtar për Fëmijë në Gjermani.
Ekipi i Ulqinit mori pjesë në Kampionatin Ndërkombëtar për Fëmijë, i cili u zhvillua në Stuttgart më 07.02.2026. Në këtë aktivitet u paraqitëm me 6 sportistë, ndërsa garuesi Xhenan Tivari, për shkak të një lëndimi, nuk pati mundësi të garojë.
Në këtë aktivitet të rëndësishëm për sportin e taekwondos morën pjesë rreth 500 sportistë nga 71 ekipe dhe 22 shtete të ndryshme.
Më të suksesshmit për ekipin tonë ishin Asija Kollari me 5 fitore dhe Denis Cobovic, të cilët fituan medaljet e arta 🥇🥇.
Nejra Dervishi dhe Rajana Bogdani, me nga tri fitore secila, arritën deri në finale dhe u shpërblyen me medalje të argjendta 🥈🥈.
Garuesit Gani Resulbegovic dhe Xhihan Maniq fituan ndeshjet e para, por u ndalën në ndeshjet e dyta, duke arritur të fitojnë medaljet e bronzta 🥉🥉.
Falënderojmë prindërit për mbështetjen e vazhdueshme dhe maksimale.
