Në hotelin “Albatros të shtunën do të mbahet tryeza e rrumbullakët me temën “Potencialet e Komunës së Ulqinit në zhvillimin e turizmit shëndetësor” të cilën e organizon Organizata turistike e Ulqinit, Dhoma e tregtisë së Malit të Zi dhe Klasteri i turizmit shëndetësor të Malit të Zi.
Qëllimi i tryezës së rrumbullakët është njoftimi me potencialet dhe nxitja e zhvillimit të turizmit shëndetësor në Komunë të Ulqinit, por edhe në tërë territorin e Malit të Zi.
Organizatorët e tubimit vlerësojnë se turizmi shëndetësor duhet të gjej vendin e vet në ofertën turistike, çdo gjë me qëllim të zgjatjes së sezonit turistik dhe rritjen e të ardhurave nga kjo lëmi ekonomike.
