Në sallën e mbushur plotë të hotelit “Mediteran” sot është mbajtur tryeza e rrumbullakët dyditore për Kriporen, në të cilën do të diskutohet për dimensionin e ri për këtë hapësirë unike.
Projekti “Kriporja Ulqin” do të prezantohet në Bienalen e 15 të arkitekturës në Venecia, i cili fillon në fund të majit.
Sipas fjalëve të ministrit të zhvillimit të qëndrueshëm dhe turizmit Branimir Gvozdenoviq, pritet që arkitektët të ndihmojnë në pozicionimin e mëtejmë të Kripores në planin nacional dhe ndërkombëtar.
Ai, por dhe kryetari i Komunës së Ulqinit Fatmir Gjeka, kanë thënë se duhet iniciuar prodhimi i kripës si parakusht për kthimin e jetës në Kripore.
Në tubim do të marrin pjesë një numër i madh i arkitektëve nga vendi dhe jashtë, funksionarëve shtetëror dhe komunal, si dhe ekologë, të cilët më herët e kanë vizituar Kriporen.
