Me formimin e Komisionit për bashkëpunim ndërkufitarë në mes Malit të Zi dhe Shqipërisë sot ka përfunduar realizimi i projektit për menaxhim integral të zonës së lumit Buna.
Në takim i cili u mbajt në hotelin „Otrant“ ishin të pranishëm funksionarët e lartë të dy qeverive, komunës së Ulqinit dhe organizatave joqeveritare nga të dy anët e kufirit, si dhe organizatave ndërkombëtare të cilat përkrahen dhe mbikëqyrën këtë projekt.
„Kemi bërë analizën e hollësishme të gjendjes në këtë zonë dhe kemi realizuar projekte të shumta në katër vitet e kaluara“, tha ndihmës ministrja e zhvillimit të qëndrueshëm dhe turizmit të Malit të Zi Marija Vukçeviq.
Kolegu i saj Ervin Mete nga Shqipëria ka thënë se Buna dhe Liqeni i Shkodrës nuk njohin kufinj shtetëror, si dhe që bashkëpunimi i mirë duhet të konkretizohet.
Në emër të komunës së Ulqinit tubimin e përshëndeti nënkryetari Ardian Mavriq.
