Në organizim të klubit “Ulcinium“ të premten filloi tubimi i 6 ndërkombëtar i oltimerve “Ulqin 2013”. Në këtë tubim treditor janë të pranishëm 24 automjete nga vitet e 30, 50 dhe 60 të shekullit 20 dhe nga pesë vendet e regjionit.
Sipas fjalëve të organizatorit kryesor Dasho Draga, pritja e mysafirëve është bërë para Xhamisë së detarëve në Ranë, e një kremtim i vogël është mbajtur në restorantin “Riva”.
Në manifestim morën pjesë dhe Ministri i komunikacionit dhe detarisë në Qeverinë e Malit të Zi Ivan Brajoviq, nënkryetari i komunës së Ulqinit Selim Resulbegoviq dhe përfaqësuesi i Drejtorisë së policisë Sead Frluçkiq.
