Dita e sotme, 6 qershori, mund të shënohet si fillimi i sezonit të vërtet në hotelet e Ulqinit.
“Prej sot në hotelet tona në Plazhin e madh dhe Adë fillon të vinë grupet e mëdha të mysafirëve dhe kështu, sipas rezervimeve që kemi, do të jetë deri në fund të shtatorit”, tha zëdhënësja e Ndërmarrjes hotelerike-turistike “Riviera e Ulqinit” Ana Zhivanoviq.
Akoma më preciz janë në kompaninë “Real estate”, e cila menaxhon apartamentet luksoze “Pallati Venecia” dhe “Kulla e Ballshajve” në Kala. “Prej sot deri më 19 shtator tek ne nuk do të ketë dhoma boshe”, tha menaxheri i kësaj kompani Qazim Resulbegoviq.
Në këto kompani në pesë muajt e parë të këtij viti janë realizuar për një të tretën më shumë fjetje se në të njëjtën periudhë vitin e kaluar.
