Mbas qëndrimit të mbrëmshëm të PDS jeta politike në Ulqin do të fitoj përshpejtim. Radha është, mbasi që tërë vera është tretur në pengimin e punës së parlamentit komunal si organit më të lartë përfaqësues të qytetarëve.
Pra, tani është e qartë që socialistët e Gjukanoviqit në Ulqin nuk dëshirojnë as me heshtje të përkrahin përpjekjen e pushtetit aktual që me nxitjen e bisedës për miliona investime të reja të qëndroj në funksionet e veta deri në tetor të vitit të ardhshëm, ose në rastin më të keq, deri në prill, gjegjësisht është e qartë që nuk do të ketë rikomponim të pushtetit.
Dhe jo vetëm kaq: PDS ka kërkuar urgjentisht të mbahet mbledhja e Kuvendit, të shkurtohet mandati dhe të caktohen zgjedhjet. “Dhe atë sa më shpejt, sepse kjo gjendje nuk është në interes të qytetarëve”, tha kryetari i Këshillit komunal të kësaj parti Loro Nrekiq.
Tani është vetëm çështja e dinamikës dhe teknikës me të cilën do të vij deri tek zgjedhjet e parakohshme. Çdo përpjekje për pengim të mëtejshëm, vetëm do ti bëj dëm atij që tenton të bëj një gjë të tillë. Në politikë gjithmonë është i rëndësishëm momenti, por edhe njohja që duhet pasur iniciativë, e jo të jenë në mbrojtje, sidomos nëse nuk ekziston vizioni i qartë se çka dhe si më tej.
Në çdo rast, kjo dinamikë e asgjësë dhe dhunimi i demokracisë në Ulqin sa më parë duhet të ndërpritet. Për këtë arsye është shumë e rëndësishme që nëse jo sot, atëherë në fillim të javës së ardhshme të arrihet marrëveshja për mbajtjen e Kuvendit në mënyrë që zgjedhjet të organizohen rreth datës 20 dhjetor. Pra, me qeverisje të re të hyjmë në Vitin e Ri 2014. Dhe me gëzime për te dhe për të gjithë ne. Kushdo qoftë ajo!
