Tubacioni nga burimi në Këllezën, prej ku furnizohet qendra e ngushtë e qytetit të Ulqinit, prej fundjavës është prapë në funksion, shkruan „Vijesti“.
Sipas fjalëve të drejtorit të Ndërmarrjes Publike „Ujësjellës dhe Kanalzimi“ Fuad Haxhibeti, 50 litër ujë në sekond do të zvogëlojnë ngarkesën e rrjetit gjatë sezonit dhe do të kontribuojnë në furnizim më cilësor dhe më të qëndrueshëm të qytetit.
Ujësjellësi është dëmtuar gjatë kryerjes së punimeve për rikonstruktimin e rrugës magjistrale Ulqin – Krythë.