Komuna e Ulqinit do të hartojë Planin e ri të Veprimit për Integrimin e Romëve dhe Egjiptianëve (RE popullatën).
Këtë dokument do ta hartojnë ekspertët e ROMACTED, programit rajonal të Bashkimit Evropian dhe të Këshillit të Evropës.
Ky program zyrtarisht u iniciua në korrik të vitit të kaluar, kur u nënshkrua Memorandumi për Mirëkuptim në mes përfaqësuesve të Këshillit të Evropës, përfaqësuesve të tetë komunave në Mal të Zi dhe Ministrisë për të Drejtat e Njeriut dhe të Pakicave, dhe do të zgjasë deri në prill të 2020.