Shtetasi i Britanisë së madhe K.B. (41) është mbytur mbrëmë në plazhin Kopakabana, në Plazhin e madh, është lajmëruar nga Drejtoria e policisë, ndërsa shkruan CDM.
“Turisti britanik ka humbur jetën kur duke notuar kaloi bovat e sigurisë, pas së cilës u sëmur dhe filloi të mbytet”, sqaruan nga policia.
Edhe pse ekipi i shpëtimtarëve reagoi menjëherë, për turistin britanik nuk kishte shpëtim.
Në vend ngjarje shpejt kanë mbërritur dhe mjekët e Urgjencës nga Ulqini, por mundën vetëm të konstatojnë vdekjen.
Policia shtoi që shkaku i vdekjes së turistit britanik do të jetë i njohur mbas autopsisë.
