Me rastin e promovimit të librit “Ivan Gudelj-Rrëfimi i Hajdukut” (Ivan Gudelj -Hajduçka Priça) nga autori Blazh Duplançiq dhe filmi dokumentar “Loja e Ivanit” në regji të Tomislav Zhaja që kushtohet të ish legjendës së futbollit kroat Ivan Gudelj, ish futbollist i Hajdukut të Splitit, qyteti i Ulqinit më 11 Nëntor, do të tuboj legjendat e futbollit nga Sllovenia, Kroacija, Bosnja e Hercegovina, Serbia, Maqedonia e Veriut, Kosova dhe Mali Zi.
Organizator i këtij manifestimi të madh me legjenda të futbollit të viteve 70-80 është ulqinaku Pavle Pepgjonoviq.
Sipas organizatorit, në këtë manifestim të veçantë pjesëamrrjen e tyre e kanë konfirmuar Ivica Shurjak, Faruk Haxhibegiq, Milosh Shestiq, Vladimir Petroviq-Pizhon, Xhevat Prekazi, Vanço Balevski, Xhevad Sheqerbegoviq, Predrag Pashiq, Dragan Kanatlarovski, Neshat Zhavelli si dhe ikonat futbollit malazias Dejan Saviqeviq, Ante Miroçeviq, vëllezërit Bakraç, Dragan Guzo Vujoviq, Brajan Neneziq e shumë të tjerë.
Krahas legjendave të futbollit pritet të marrin pjesë edhe emra të njohur gazetar sportiv nga rajoni si Millojko Pantiq, Sinan Sinanoviq, Millutin Grgur, Nebojsha Shofranac, Shaban Sinani…