Të hënën në vizitë pune në Ulqin ishte Kryetari i Komunës së Fushë-Kosovës, z. Valon Prebreza, i shoqëruar nga Pranvera Merovci, Drejtoreshë për Zhvillim Ekonomik dhe Turizëm, dhe Vlora Tosuni, Këshilltare.
Delegacioni i Fushë Kosovës së pari vizitoi Deponinë sanitare Rajonale Mozhura, ku të pranishmit u njohën nga afër me funksionimin dhe mënyrën e menaxhimit të saj.
Kryetari Prebreza në takimin në Komunën e Ulqinit njoftoi të pranishmit me ndryshimin e menaxhimit në Deponimit të mbeturinave që po ndodhë në Kosovë.
Në fokus të takimit ishte shkëmbimi i përvojave dhe praktikave të mira në fushën e menaxhimit modern të mbetjeve, me interes të veçantë për projektet inovative që po zbatohen në Komunën e Ulqinit, përfshirë kontejnerët inteligjentë (Smart Containers) dhe Qendrën e Ripërdorimit.
Gjatë takimit u vlerësua rëndësia e forcimit të bashkëpunimit ndërmjet dy komunave, përmes shkëmbimit të ekspertizës dhe realizimit të aktiviteteve të përbashkëta, veçanërisht në fushën e mbrojtjes së mjedisit dhe ekonomisë në përgjigjësi.
