Kontributi i brezave të Ulqinakëve në Durrës, i dhënë në dekada për zhvillimin dhe përparimin e këtij qyteti, do të nderohet nga Bashkia Durrës me titullin “Mirënjohja e qytetit”.
Ceremonia do të zhvillohet ditën e premte, më 11 prill në ora 18, në Sallën e teatrit “Aleksander Moisiu”.
Në veprimtarin e organizuar do të jenë të ftuar edhe përfaqësues të komunës së Ulqinit.
Ulqinakët e Durrësit, të tubuar rreth Shoqatës kulturore Ulqini – Durrës, të shtunën e kaluar ishin të pranishëm në Seancën solemne dhe aktivitetet tjera të cilat komuna e Ulqinit i organizoi me rastin e Ditës së Ulqinit.
