Ulqini dhe Tivari ndërkulturor: TYRBET E TË MIRËVE, DËSHMORËVE DHE SHKENCËTARËVE

Tyrbja në Ranë

Vizita e varreve të evlijave, dëshmorëve dhe dijetarëve për bekim dhe lutje ndaj Zotit të dashur ishte një praktikë e pranishme në të gjitha brezat e muslimanëve në Ulqin dhe Tivar. Një gjë e tillë u miratua nga autoritetet e fesë, ndaj nuk është për t’u habitur që në zonat e këtyre qyteteve sot ka rreth njëzet tyrbe (mauzoleume).

Një nga më të njohurat është sigurisht ajo në Ranë, ku tre shekuj më parë kishte një teqe të urdhrit të dervishëve – sadi. Shejhët e tyre të shquar morën pjesë në mbrojtjen e Ulqinit në vitin 1718. Për dy viktimat, ulqinakët, në shenjë mirënjohjeje dhe përkujtim të vazhdueshëm të brezave të ardhshëm të heroizmit të tyre në mbrojtjen e qytetit nga venedikasit, ndërtuan tyrbe.

Ky vend kulti vizitohet shpesh nga vizitorë dhe turistë të të gjitha besimeve dhe kombeve dhe mirëmbahet me shumë respekt nga familja Peku.

Tyrba e famshme e Hasan-Dedes, e ndërtuar në vitin 1612, kishte një vlerë të veçantë në Tivarin e Vjetër. “Ishte një lloj faltoreje që vizitohej herë pas here, sidomos në Bajram. Të varfrit, njerëzit e pushtuar nga fatkeqësia, veçanërisht në të kërkonin ngushëllim”, shkruan publicisti Zhelko Miloviq.

Në dekadat e fundit, një nga vendet më të njohura për t’u vizituar është tyrbja në Ostros, ku është varrosur Sheh Tahir Kanaqi (1908-1985).

Ishte ai kolosi i fundit i sufizmit në këtë hapësirë nën Rumi, autoriteti i pakontestueshëm shpirtëror, produkt autentik i të menduarit dhe praktikës sufi, një njeri i shenjtë, visar i sekreteve, i cili me vet mëshirën e Zotit lidhte këtë botë me botën tjetër.

Sheh Tahiri gjithmonë ishte në shërbim të njerëzve dhe gjithmonë i vetëdijshëm për Zotin e Plotfuqishëm!

Me dijen dhe këshillat e tija i ndihmoi mijëra njerëzve. Një nga dijet e tija sekrete ishte që çdo njeriu ja dinte emrin edhe pse se kishte takuar më përpara!?

“Të gjitha besimet e kësaj bote janë si lulet e një kopshti. Çdo religjion është dritë në terrin e paditurisë dhe secila në mënyrën e vet ndihmon, pavarësisht nga ngjyra e saj”, thoshte ky prijës i madh rufai. Miku i tij i vlerësuar, don Fran Markiqi, thotë se Kanaqi e donte çdo njeri me dashuri të madhe, pavarësisht nga vjen, cilës fe apo komb i takon. “Sheh Tahiri nuk vdiq. Ai jeton, do të jetojë dhe veprat e tija nuk do të harrohen asnjëherë”, mendon ky prijës fetar katolik.

Atë çfarë na porositën mësuesit tanë të mëdhenj është që qeniet njerëzore – me kusht se posedonin bekimin për së gjalli – bëhen burim edhe më i fuqishëm i bereqetit pas largimit nga kjo botë.

E Shehu i mençur në një poezi të tijen na mësoi kuptimin e simboleve të përhershme të kohës:

Jeta, ka vetëm ndryshime

Së soset kurrë, ja me të vërtet

S’ka filles as s’ka mbarime

Kje e asht edhe do t’jetë.

Një nga lutjet e tij të fundit, por edhe të mirëve, ishte: “O Zoti ynë! Mos lejo që zemrat tona të shmangen (nga e vërteta), pasi na ke udhëzuar në rrugën e drejtë, dhe jepna mëshirë prej Teje; vërtet, Ti je Dhuruesi i Madh! (Ali Imran, 8)

(Ky tekst u krijua në kuadër të projektit të promovimit të ndërkulturalizmit në Ulqin dhe Tivar, të cilin e financon Ministria e Administratës Publike, Shoqërisë Digjitale dhe Mediave, nga Fondi për nxitjen e pluralizmit mediatik dhe shumëllojshmërisë së mediave.)

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e parë dhe ishin kryesisht gjermanë të sjellë nga agjencia “Miramare”.

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari i Komunës së Ulqinit Omer Bajraktari me bashkëpunëtorë

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me kryeministrin do të përfshijë edhe një sërë ministrash

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë punimet për ndërtimin e “Ville Version”,

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij, kjo dinamikë është është dakorduar të hënën në një bisedë