Mbulesa e bardhë e cila ra mbrëmë, ka mbuluar Ulqinin. Lartësia e dëborës, sipas Entit hidrometeorologjik, është gjashtë centimetër, që është mjaftueshëm për gëzimin e fëmijëve.
Rrugët kryesore të qytetit u pastruan dhe u mbuluan me kripë nga punëtorët e NP “Veprimtari komunale”, por shumica e qytetarëve të cilët jetojnë në Ranë, Meteriz dhe Mëhallë të re deri në vendin e punës kanë shkuar në këmbë.
Përndryshe, në ora dhjetë në Ulqin u mat minus 1,6 gradë, ndërsa ndjesia subjektive është sikur të jetë gjashtë shkallë më ftohtë.
