Shefja e Misionit të OEBS-it në Mal të Zi, ambasadorja Janina Hrebickova dhe nënkryetari LQ URA Dritan Abazoviq mbajtën takimin në zyrat qendrore të LQ URA dhe shkëmbyen mendimet dhe qëndrimet për situatën momentale politike në Mal të Zi, e cila u cilësua si e komplikuar.
Abazoviq i prezantoi ambasadores Hrebickova qëndrimet e veta rreth anëtarësisë së Malit të Zi në NATO, protestës, Draftit aktual të ligjit për liri të religjionit dhe çështjet tjera aktuale.
Po ashtu shkëmbyen mendimet për mënyrat e tejkalimit të dallimeve ndër subjektet politike dhe veprimin politik në prag të zgjedhjeve të ardhshme.
Ambasadorja Hrebickova njoftoi Abazoviqin me disa nga aktivitetet kyçe të cilat momentalisht po i kryen Misioni i OEBS-it në Mal të Zi, si dhe për planet për periudhën e ardhshme.
