Vaterpolistja e re me prejardhje ulqinake Esma Dollaku (15) është një nga sportistet më me perspektiv të Amerikës verilindore.
Javën e kaluar në turneun prestigjioz të vaterpolos “Beast of the east”, Esma është zgjedhur në skuadrën e pare të turneut, si lojtarja e vetme nën moshën 17 vjeç.
Dollaku po ashtu është anëtare e përfaqësueses amerikane për regjioni verilindor, në kategorinë deri në 18 vjeç.
Ajo vitin e kaluar është bërë vajza e pare nga Pitsburgu e cila u zgjodh të mbroj ngjyrat e ekipit nacional në zhvillim. Vitin e ardhshëm Dollaku do të marrë pjesë në kampin zgjedhor të përfaqësueses amerikane për kadetë.
