Vendim i gjykatës: LEKA ZOGU II MERR VILAT E GJYSHIT NË SHIROKË

Përmes një vendimi gjyqësor, Gjykata e Lartë i ka njohur Lekës II pronësinë e dy vilave dykatëshe, me sipërfaqe 345 e 145 metra katrorë dhe një trualli prej 3962 metrash katrorë, ish-pronë e gjyshit të tij, Mbretit Ahmet Zogu. Kolegji Civil i Gjykatës së Lartë miratoi vendimin e Apelit të Shkodrës të vitit 2008, sipas të cilit e drejta e pronësisë së kësaj pasurie i takonte familjes Zogu. Në Gjykatë, familja Zogu pati palë kundërshtare Bashkimin e Sindikatave të Pavarura të Shqipërisë (BSPSH), e cila pati marrë pronën në fjalë pas viteve 1990. Pasuria e paluajtshme në Shirokë, në vitin 1925 ishte regjistruar në regjistrat e kohës si pronë e Ahmet Zogut. Në vijim, gjatë regjimit monist ajo kaloi në favor nga shteti dhe shndërrua në Kampin e Pushimeve Shirokë. Në vitin 2001, pas shpronësimit, trualli dhe godinat kaluan në pronësi të BSPSH-së. Kjo e fundit lidhi një kontratë qiraje disavjeçare me shtetasin Ndue Maraçaj, për shfrytëzimin e saj. Mësohet se aktualisht objektet në fjalë janë të pashfrytëzuara.

KONFLIKTI
Vendimi i shpallur më 16 prill 2013 nga një Kolegj Civil i Gjykatës së Lartë, i zbardhur ditët e fundit, i dha fund një “lufte” gjyqësore disavjeçare në lidhje me pronësinë e “vilës mbretërore” në Shirokë. Konflikti për pronësinë e “vilës mbretërore” në Shirokë ka nisur nga Leka Zogu I, para se të ndërronte jetë. Ai ka trokitur në Gjykatë, duke e pasur të vetmen rrugë për të përfituar pronën e babait të tij. Leka I e kishte të pamundur t’i drejtohej me kërkesë Agjencisë për Kthimin e Kompensimin e Pronave. Kjo për shkak se regjistri hipotekor, sipas të cilit prona ishte regjistruar në emër të Ahmet Zogut, rezulton të jetë dëmtuar. “Në kushtet kur kërkuesi Leka Zogu I, aktet që bëjnë që dokumentacioni ligjor të jetë i paplotë, nuk mund t’i marrë në rrugë tjetër përveç asaj gjyqësore, i është drejtuar Gjykatës me kërkesën sipas objektit të saj”, thuhej në vendimin e gjykatës.

GJYKATA E LARTE
Dosja e pronës së familjes mbretërore në Shirokë mbërriti në Gjykatën e Lartë në vitin 2008, pas rekursit që i bëri vendimit të Apelit Shkodër BSPSH-ja. Për shkak se më 30 nëntor 2011 Leka Zogu I ndërroi jetë, me marrjen e dosjes në shqyrtim, Kolegji Civil i Gjykatës së Lartë pranoi kërkesën e avokatit të familjes Zogu, që çështja të vijohej nga princ Leka. “Kolegji Civil vendosi pranimin e kalimit procedural nga pala kërkuese, i ndjeri Leka Zogu I, te trashëgimtari i tij, shtetasi Leka Zogu II”, arsyetohej në vendim. Në vijim, pasi shqyrtoi pretendimet e palëve, Kolegji Civil vendosi të lërë në fuqi vendimin e Gjykatës së Apelit Shkodër, të datës 2 maj 2008. Vendimi i Apelit nga ana e tij miratonte vendimin e caktuar me herët, më 9 korrik 2007 të Gjykatës së Shkallës së Parë Shkodër, me ndryshim vetëm në sipërfaqen e tokës, që i rikthehet familjes Zogu. “Vërtetimin e faktit juridik të së drejtës së pronësisë së Ahmet Zogut për pasurinë e paluajtshme ‘vila mbretërore’ Shirokë, e cila përbëhet nga: ndërtesë dy kate, vila me sipërfaqe 345 m2, ndërtesë dy kate, vila me sipërfaqe 145 m2, si dhe truall funksional 3962 m2 sipas plan-vendosjes bashkëlidhur këtij vendimi”, thuhej në vendimin e Apelit.

(Gazeta Panorama)

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e parë dhe ishin kryesisht gjermanë të sjellë nga agjencia “Miramare”.

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari i Komunës së Ulqinit Omer Bajraktari me bashkëpunëtorë

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me kryeministrin do të përfshijë edhe një sërë ministrash

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë punimet për ndërtimin e “Ville Version”,

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij, kjo dinamikë është është dakorduar të hënën në një bisedë