Para saktësisht një vit e gjysmë (19 shkurt të vitit 2016) Gjykata supreme e Malit të Zi solli vendimin sipas revizionit (Rev. Nr. 1396/15) me të cilin hodhi poshtë vendimin e Gjykatës së lartë në bazë të të cilit avokati nga Rozhaja Nusho Kallaç në fund të vitit 2015 ka marrë nga Komuna e Ulqinit rreth gjysmë milioni euro.
Gjykata supreme, që është rast i rallë në praktikën gjyqësore, ka vërtetuar vendimin e Gjykatës themelore në Ulqin në këtë kontest, gjegjësisht ka anuluar vendimin e gjykatës së lartë.
Por, parat e marra nga Komuna akoma nuk janë kthyer në arkën e qytetit ndërsa njëkohësisht Drejtoria tatimore kritikon vetëqeverisjen lokale për shkak të mospagesës së gjatë të tatimeve dhe kontributeve dhe në mënyrë të detyrueshme paguan një pjesë të detyrimeve, ndërsa së shpejti pritet edhe zbardhja e vendimit të Gjykatës ekonomike për rastin “K1”.
