Vendosja e shtyllave elektrike: QENDRIME TË NDRYSHME TË KOMUNËS DHE PDS-së

StuboviVendosjen e shtyllave për ndriçim elektrik këto ditë në Zogaj dhe pjesë tjera të Ulqinit i komentuan ndryshe zyrtarët e komunës dhe ato të Këshillit komunal të Partisë demokratike të socialistëve.

Sekretari i Sekretariatit për çështje komunale Avdula Dervishi ka thënë për “Dan” që këto punë janë kryesisht kompetencë e qeverisjes lokale, por që ajo për këtë nuk di asgjë. “Paralajmërojmë që bëhet fjalë për ndërtim të egër. Pohoj me përgjegjësi të plotë që ne nuk qëndrojmë pas atyre punëve. Kësi lloj aktivitetesh planifikohen më herët në pjesën e investimeve nga buxheti, e pastaj caktohen mjetet dhe hapet tenderi për kontraktuesin e punimeve”, tha ai duke shtuar që në rastin konkret shkelet ligji, sepse punohet pa leje.

Drejtuesi i PDS-së dhe drejtori i Elektrodistribucionit të Ulqinit Loro Nrekiq ka pohuar që kjo ndërmarrje vendos shtyllat. “Absolutisht e gjitha po zhvillohet në bazë të ligjit dhe këtu nuk ka asgjë të dyshimtë. Ndriçimi publik vendoset me kërkesë të organit të punëve të brendshme dhe për këtë arsye komuna nuk kishte lidhje me punimet”, shtoi ai.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…