Për Ditë të Ulqinit dy artiste nga Dubrovniku, mexosoprano Diana Hile dhe pianistja Ivana Marija Vidoviq me Vox Ragusei, ishin mysafirë në këtë qytet.
“Dubrovniku dhe Ulqini prej shumë kohësh janë të lidhur me ndërtim anijesh, e sot duhet të lidhen me kulturë dhe art sepse kjo është lidhja më dinjitoze ndërmjet kulturash. Dubrovniku është dhe do të mbetet feneri për çdo anije të të ardhmes së mirë”, tha Vidoviq për mediet nga Dubrovniku.
Drejtori artistik i programit, Jusuf Lika falënderoi artistet nga Dubrovniku që me praninë dhe performancën e tyre kanë lartësuar festën dhe janë bërë urë e bashkëpunimit të dy qyteteve.
