Aneksi i kontratës për shfrytëzimin e të mirës detare në gadishullin Suka, ku për kush e di satën herë duhej të fillonte ndërtimi i hotelit „Jadran“, nuk vlen më, sepse, në ndërkohë, janë kaluar të gjithë afatet e dakorduara për këtë vit, shkruan „Vijesti“.
Siç pohoi për këtë gazetë drejtori ekzekutiv i kompanisë „Star of Montenegro“, kompania „Nedfact“ me siguri ka çuar dorë nga ndërtimi i këtij hoteli, sepse askush nga Holandezët nuk është lajmëruar prej prillit.
„Për këtë arsye ka dështuar aneksi i cili me afate dhe projektin e korrigjuar ka marrë dritën e jeshile të Qeverisë dhe Të mirave detare. Tani na nevojitet aneksi i ri i marrëveshjes të cilin nuk mund ta ofrojmë derisa mos të paraqiten investitorët tjerë“, tha Durutoviq duke shtuar se kompania e tij i plotëson detyrimet ndaj të Mirave detare sa i përket qirasë.
