Nënkryetari i PDS Svetozar Maroviq më kot para dy ditëve tentoi të bind liderin e Partisë demokratike Fatmir Gjeka të pranoi rikomponimin e pushtetit në Parlamentin e Ulqinit dhe të lidh koalicion të përkohshëm me Forcën dhe PDS për ushtrimin e pushtetit në nivel lokal deri në zgjedhjet e rregullta në tetor të vitit të ardhshëm, shkruajnë “Vijesti”.
Kjo gazet shkruan që termini më i hershëm për zgjedhje është gjysma e dytë e dhjetorit, por vlerëson që është vështirë në kohë të caktohet kuvendi dhe të shkurtohen mandatet. Të gjithë akterët në Ulqin pajtohen që parlamenti lokal duhet të mbahet dhe të miratoi disa vendime me interes të qytetarëve. “Këtë e thash në të gjithë mbledhjet e deritashme, por edhe që zgjedhjet do të ishin vendim i vetëm i drejtë për zgjidhjen e situatës aktuale”, ka deklaruar Gjeka.
Kryetari i Ulqinit dhe lideri i Forcës Nazif Cungu tha që partia e tij nuk ikën nga zgjedhjet, por që qyteti është në cajtnot. Në pyetjen pse Forca dhe PDS nuk formojnë vetëm pushtetin, sepse në Kuvendin lokal kanë shumicën, ai tha që nuk dëshiron të komentoi vendimet e partnerëve të koalicionit. “Ne me Gjekën jemi partner në nivel lokal, ndërsa bashkë jemi me PDS në nivel shtetëror. Kjo është çështja e tyre”, tha Cungu.
