Zgjedhjet në Ulqin janë gjithnjë e më afër, edhe pse Partia demokratike e socialistëve punon shumë për marrjen e pushtetit me rikompozim të ri të fuqive në parlamentin lokal, shkruajnë „Vijesti“.
Kjo gazetë shkruan që koalicioni qeverisës është definitivisht i tronditur mbas akuzave të ndërsjellta në mes kryetarit të komunës Nazif Cungu dhe nënkryetarit Selim Resulbegoviq. „Edhe pse Cungu dhe FORCA kanë shumicën dhe pa dy këshilltarët e PSD-së, Cungu nuk i ka marrëdhëniet e mira me Partinë demokratike të Fatmir Gjekes, e cila po ashtu u deklarua që nuk do të përkrah Raportin e punës së kryetarit të komunës për vitin 2012“, shkruajnë „Vijesti“.
Me kontakte me qendrën e PDS-së në Podgoricë Gjeka ka siguruar përkrahjen për qendrimin e tij edhe nga këshilltarët e kësaj parti në Kuvendin komunal të Ulqinit.
Më herët dhe Unioni demokratik i Shqiptarëve, Koalicioni „Ulqini më i mirë- Mali i Zi më i mirë, si dhe anëtari më i vogël i koalicionit qeverisës, Iniciativa qytetare Perspektiva “ e Amir Hollajt, kanë deklaruar që nuk do ta përkrahin raportin e Cungut.
