Në kuadër të projektit “Fuqizimi i të rinjve në promovimin e dialogut dhe tolerancës“, të mbështetur nga Ambasada Amerikane ne Podgoricë, OJQ Horizonti i Ri realizoi një vizitë ndërkulturore me nxënës të shkollave të mesme të Ulqinit dhe Tivarit.
Të rinjtë të përkatësive të ndryshme etnike, religjioze, gjuhësore e kulturore nga këto dy qytete, vizituan Xhaminë e Detarëve dhe Tyrben e Fanve në Plazhin e Vogël, pastaj Kullën e Ballshajve, Pallatin e Venedikut, Sheshin e Robërve dhe kompleksin muzeornë Kalanë e Ulqinit. Kisha ortodokse e Shën Nikollës në Meteriz ishte objekti i fundit që pjesëmarrësit e këtij projekti vizituan së bashku.
Gjatë këtij aktiviteti të rinjtë u shoqëruan nga gazetari dhe publicisti Mustafa Canka, trajneri i programit Negjelko Gjuroviq dhe moderatorja Sabra Deceviq.
Ky projekt ka për qellim krijimin e një bashkëpunimi efektiv midis të rinjve nga Ulqini dhe Tivari, thyerjen e paragjykimeve dhe barrierave në komunikim si dhe rritjen e njohurive dhe shkathtësive të tyre për pjesëmarrje në proceset integruese shoqërore.
