Grupi prej tetë anëtarëve i operatorëve turistik nga tregu kinez, në kuadër të vizitës studimore në Mal të Zi, të shtunën qëndruan në Ulqin.
Grupin e përbënin operatorët turistik Beijing Ctrip International Travel Service, Beijing Eyeshot Business Travel, Hua Yuan International Travel, Beijing Jin Jiang International Tours, Phoenix Travel Worldwide, China Travel Service dhe Azure Global, si dhe përfaqësuesi i kompanisë ajrore Qatar Airways.
“Nga aspekti i shprehive të tyre në udhëtime, turistët kinez kanë zakon që gjatë pushimit të tyre të vizitojnë numër më të madh të destinacioneve, kështu që për arsye të specifikës të këtij tregu të largët, efektet më të mira promovuese arrihen me investimin e përpjekjeve të përbashkëta të shteteve të regjionit në promovimin dhe shitjen e prodhimit të përbashkët turistik”, kanë deklaruar nga Organizata nacionale turistike e Mali të Zi.
