Drejtuesit e komunës së Ulqinit janë njoftuar nga ambasada e Republikës së Turqisë që së shpejti kësaj vetëqeverisje lokale do ti dorëzohet kadastra e komunës nga viti 1872, e cili ruhet në Arkivin e kryesisë së Qeverisë në Stamboll.
Iniciativën që ti dorëzohet ky dokument publik komuna e Ulqinit e ka iniciuar mbasi që në fillim të majit këtë qytet e kanë vizituar ministri turk i urbanizmit dhe mbrojtjes së mjedisit Idris Gulluçe dhe drejtori i Entit shtetëror për regjistrat e pronës dhe kadastër Davud Gunej.
Shteti osman në mënyrë shumë të rregullt ka mbajtur librat e kadastrës të cilat quhen Tapu defterleri. Ato janë prodhim i punës së komisioneve speciale shtetërore dhe për këtë arsye paraqesin një nga segmentet më të rëndësishme të materialeve burimore për studimin e historisë në periudhën osmane.
