“Deri tani nuk është bërë asgjë që Qyteti i vjetër në Ulqin të gjendet në listën e Trashëgimisë botërore UNESKO” ka vlerësuar kryetarja e Fondacionit për monumente dhe lokalitete në Mal të Zi “ELArt” dr Igbala Shaboviq-Keroviq.
Ajo tha që në terren, në periudhën e kaluar, erdhi deri tek devastimi serioz i këtij monumenti të kulturës të kategorisë së parë. “Në këtë drejtim posaçërisht theksohen punimet e filluara të hotelit në muret e Kalasë, i cili për nga lokaliteti dhe sipërfaqja hynë në kontekstin e devastimit serioz, ndoshta të pakthyeshëm të kësaj tërësie historike dhe urbanistike-arkitektonike”, ka theksuar ajo në shkrimin autorial në “Vijesti”.
Shaboviq-Keroviq shtoi që “hapësira duron ndryshime, por jo dhe gabime”.
