Në Ulqin të mërkurën do të nënshkruhet kontrata me kompaninë Hydrophil GmbH nga Austria, e cila u rendit e para në tenderin për përzgjedhjen e konsulentit për implementimin e masave investuese për përmirësimin e furnizimit me ujë dhe derdhjen e ujërave të zeza.
“Me mbylljen e procedurës tenderike dhe me nënshkrimin e kontratës me vlerë 1.5 milion euro, krijohen parakushtet e nevojshme për vazhdimin e aktiviteteve në përmirësimin e infrastrukturës së ujësjellësit dhe kanalizimit në këtë komunë”, thuhet në informatën e VODACOM-it dhe Komunës së Ulqinit.
