Ministri në Qeverinë e Malit të Zi dhe kryetari i Unionit demokratik të Shqiptarëve Mehmed Zenka ka deklaruar që për këtë parti lideri i PDS-së Millo Gjukanoviq është kandidati më i pranueshëm të cilin do ta përkrahnin në zgjedhjet presidenciale.
Zenka për “Dan” tha se koalicioni “Shqiptarët të vendosur” nuk do të ketë përfaqësuesin e vet në këto zgjedhje. “Për ne, të pakten sa i përket meje, më i pranueshmi është Gjukanoviqi, sepse ka mundësi absolute për fitore”, theksoi ai.
Sipas fjalëve të tija, zgjedhjet lokale në Ulqin do të mbahen në gjysmën e dytë të janarit dhe UDSH-ja në ato me shumë mundësi do të marrë pjesë në koalicion me Forcën.
Zenka shtoi se marrëveshja e koalicionit me PDS-në nuk po zbatohet sipas parashikimit, por që ai “sheh gatishmërinë e PDS-së që të realizojë marrëveshjen”.
