Kryetari i Unionit demokratik të Shqiptarëve Mehmed Zenka ka deklaruar që koalicioni qeverisës në largim në Ulqin para ardhjes në pushtet është drejtuar qytetarëve me dokument i cili përbën 25 premtime. “Asnjë nga ato nuk është realizuar. Këto janë muhabete boshe. Në Ulqin nga tre të ri, dy janë pa punë”, tha ai për “Pobjeda”.
Zenka tha që pret rezultat të mirë të partisë së vet. “Besoj që do të jemi pjesë e pushtetit, e mund të jemi në koalicion vetëm me ato forca politike që kanë parimet të ngjashme me tonat”, shtoi ai.
“I frikohemi aktiviteteve negative në prag të zgjedhjeve, siç është blerja e votave”, përfundoj lideri i UDSH-së.