Përfaqësuesit e Shërbimit komunal për mbrojtje dhe shpëtim kishin këtë fundjavë shumë punë.
Të shtunën e tërë njësia me të gjitha makinat kanë fikur zjarrin e madh në zonë e Reçit dhe Sutjelit ku, për shkak të terrenit të papërshtatshëm, intervenimi ishte i vështirësuar. Përndryshe, zjarri këtë hapësirë e kapi një ditë më herët dhe vetëm në orët e vona të natës të shtunën ai u fikë.
Zjarri i përmasave të mëdha shpërtheu të dielën rreth mesditës në zonën e Shtojit, menjëherë pas Kopakabanës. I përcjell nga era e fuqishme ai rrezikoi parkingun e këtij plazhi si dhe vendbanimin me shtëpiza “Gjovani trade”. Në intervenim ishin kyçur gjashtë makina zjarrfikësish dhe 18 zjarrfikës, ndërsa zjarri është fikur rreth orës 20.
