Sipas të dhënave zyrtare, në rivierën e Ulqinit ka rreth 22 mijë shtretër. Më së shumti shtretër të regjistruar ka në akomodimin privat, rreth 18 mijë, derisa në hotele rreth 3800 shtretër. Pjesën tjetër e bëjnë kampet dhe pushimoret.
Përpunuesit e Propozim Planit hapësinorë-urbanistik të Ulqinit deri në vitin 2020, i cili së shpejti duhet të gjendet në shqyrtim publik, kanë vlerësuar që në territorin e komunës së Ulqinit ka edhe gati 40 mijë shtretër që punojnë në “zonën gri”, gjegjësisht që në Ulqin në akomodimin privat mund të pushojnë 56 270 mysafirë.
Përndryshe, me këtë dokument është planifikuar që për shtatë vite në këtë komunë të ketë 48 450 shtretër. Nga ky numër, gati 30 mijë do të jenë në hotele, derisa numri në akomodime private do të ishte pesë herë më i vogël, dhe do të binte në vetëm 11 600 shtretër.
