Shoqata e artistëve dhe zanatçinjve “Globus Art” ka njoftuar se me rastin e Ditës së Ulqinit do të organizohet Panairi i suvenirëve dhe artizanëve.
Manifestimi do të mbahet të dielën, në Galerinë e Qendrës për kulturë, me fillim në ora 13.
“Më herët kemi planifikuar që panairi të mbahet në Ranë, por e ndryshuam lokalitetin për shkak të paralajmërimit të meteorologëve se të dielën do të bjer shi”, tha drejtuesi i kësaj shoqate Ramiz Hajdari.
Ai shtoi se pret që në Panair prodhimet dhe punimet e veta ti prezantojnë rreth 20 artistë dhe zanatçi nga vendi dhe regjioni.