Umra: UDHËTIM SHPIRTËROR NË VENDET E SHENJTA MYSLIMANE

Nga Ulqini me 11 janar, përmes Aeroportit „Rinas“ në Tiranë, në vizitë në Mekë dhe Medinë do të niset grupi i parë i përbërë nga 34 besimtarë.

„Gjysma e udhëtarëve në umra janë nga Ulqini, ndërsa në këtë grup do të jenë edhe qytetarët e Tivarit, Bijello Poles dhe Plevles“, tha punëtori turistik Munib Abazi, i cili së bashku me imamin Suad Ukoshata janë organizatorë të këtij udhëtimi.

Abazi thekson se ky grup do të qëndrojë në Arabinë Saudite deri me 22 janar, si dhe që u planifikua edhe udhëtimi i grupit të dytë në mars.

„Bëhet fjalë për udhëtim shpirtëror me qëllim që njerëzve të ju afrohen këto vendet e shenjta myslimane“, shtoi ai.