Dega e arkivit në Ulqin është krijuar në vitin 1999 me ndarjen e degës së arkivit në Tivar. Ajo ruan dokumentet e organeve të pushtetit lokal, shoqatave dhe institucioneve.
Përndryshe, arkivi që ekzistonte në ndërtesën e mëhershme të komunës së Ulqinit (Beledie), e i cili përmbante dokumente deri në ardhjen e pushtetit komunist në fund të vitit 1944 dhe fillim të vitit 1945 është shkatërruar tërësisht.
Dokumentet pjesërisht janë djegur, një pjesë e dokumenteve është shpërndarë, ndërsa disa madje janë përdorur edhe për paketimin dhe mbështjelljen e sendeve të ndryshme.
Ky arkiv përmbante 60 mijë akte.
