OJQ ,, Qendra Muzikore LIRA” riktheu dhe bashkoi folklorin ..ZANA” dhe ,,ULQINI”.
Siç dihet, këto dy shoqëri janë të njohura me aktivitetet e tyre në festivale të ndryshme kombëtare dhe ndërkombëtare, ndërsa tani po rikthehen fuqishëm në skenën kulturore, të bashkuar në një shoqatë të vetme e cila do të quhet SHKA “Zana e Ulqinit”.
Qëllimi i kësaj shoqërie është që të afirmojë vlerat kulturore, traditën dhe të kontribuojë për turizmin e Ulqinit.
Duhet përmendur dy veteranet dhe aktivistët e këtyre shoqatave, z. BEQIR TRUMA dhe z. KABIL MEHMETI, të cilët me sakrificë të madhe dhe punë të palodhshme kane trashëguar brez pas brezi kulturën e këtij qyteti.
Këtë obligim do ta vazhdojnë koreografi Ilir Truma dhe drejtuesi i orkestrës prof. Ardian Hasanaga.
Orkestra do te përfshijë instrumentistë dhe këngëtarë të njohur nga Ulqini.
Njoftojmë të rinjtë që regjistrimet në këtë shoqëri do të jenë falas dhe munden të na kontaktojnë këto dy numra: 069-650-727 dhe 069-421-132.
